Бидний тухай

Манай эмнэлэг нь 1997 онд “Өрнө Дорнын Засал” ХХК нэртэйгээр байгуулагдсан. 2002 онд Төрөлжсөн Нарийн Мэргэжлийн “Баянгол Эмнэлэг” ХХК болон өргөжиж хэвтүүлэн эмчлэх 20 ор бүхий стационарын хэсэг, мэс заслын тасаг, гоо сайхан, саун, нөхөн сэргээх кабинет, өрнийн болон дорнын анагаах ухааныг хослуулсан “Стационари – Амбулатори – Параклиник” гэсэн чиглэлээр үйл ажиллагаагаа явуулж эхэлсэн. Өдгөө хүүхэд, том хүний хэвтүүлэн эмчлэх 40 ор бүхий стационарийн хэсэг, “Нэгдсэн лаборатори”, “Амбулатори” “Уламжлалт нөхөн сэргээх тасаг”, “Үр шилжүүлэн суулгах төв” гэсэн тасаг нэгжүүдтэйгээр үйл ажиллагаагаа явуулж байна.

Тус эмнэлэг нь анх 30 гаруй эмч, эмнэлгийн дунд мэргэжилтэн, ажилчидтайгаар үйл ажиллагаагаа эхэлж байсан бол өнөөдөр 80 гаруй хүний нөөцтэйгээр эмнэлгийн тусламж үйлчилгээг мэргэжлийн өндөр түвшинд чанартайгаар иргэдэд хүргэж байна.

МЭНДЧИЛГЭЭ

Юнимед Интернейшнл эмнэлгийн цахим хуудсанд тавтай морилно уу!

Юнимед Интернейшнл Эмнэлэг нь 2017 онд үүсгэн байгуулагдсаныхаа 20 жилийн ойг тэмдэглэж байна.

Юуны түрүүнд өнгөрсөн 20 жилийн турш бидэнтэй хамт байсан эрхэм үйлчлүүлэгч та бүхэндээ талархал дэвшүүлье!

Манай эмнэлэг үйл ажиллагааны хүрээгээ тэлж, тасралтгүй өргөжин хөгжиж буй явдал нь өндөр мэдлэг, ур чадвартай хамт олонд хүлээлгэсэн та бүхний итгэл, найдварын хүч төдийгүй, эмч мэргэжилтнүүдийн маань үйлчлүүлэгчийн хэрэгцээ шаардлагад нийцүүлэн, чана3ртай, түргэн шуурхай тусламж үйлчилгээ үзүүлдэгтэй шууд холбоотой билээ.

Эрүүл мэндийн салбарт өдөр бүр шинэ техник, технологи шинээр гарч хөгжиж байгаа эрин үед бид дэлхийн өндөр хөгжилтэй улс орнуудтай хөл нийлүүлэн хамгийн сүүлийн үеийн дэвшилтэт техник, технологийг оношилгоо, эмчилгээндээ нэвтрүүлэн, олон улсын жишигт хүрсэн үйлчилгээг эх орноосоо авах боломжийг ард иргэддээ олгож ажиллахыг зорилго болгодог. Урьд өртөг өндөр, Монголд эмчлэх боломжгүй Үр Шилжүүлэн Суулгах эмчилгээг хосууд маань гадаад орныг зорин үйлчлүүлдэг байсан бол өнөөдөр гадаадаас манай эмнэлгийг зорин ирж үр шилжүүлэн суулгах хөтөлбөрт хамрагдах иргэдийн урсгалыг бид үүсгэж чадсан байна. Ингэснээр олон зуун гэр бүлд үр хүүхэдтэй болох аз жаргалыг бэлэглэж, улс эх орныхоо хүн амыг нэмэгдүүлэх бодлогод болон эдийн засгийн хөгжилд үнэтэй хувь нэмэр оруулж байгаагаа дуулгахад нэн таатай байна.

ЭРХЭМ ЗОРИЛГО

Нотолгоонд суурилсан дэвшилтэт технологийг мэргэшсэн эмч, мэргэжлийн ур чадвар, хүсэл тэмүүлэлтэй хослуулан шинэлэг, цогц чанартай үйлчилгээ үзүүлсэнээр эх, хүүхэд, эмэгтэйчүүдийн эрүүл мэндийг хамгаалан дэмжиж, амьдралын чанарыг дээшлүүлэх

АЛСЫН ХАРАА

Эх хүүхэд эмэгтэйчүүдийн эрүүл мэндийн үндэсний шилдэг төв болох

ҮНЭТ ЗҮЙЛ

Өндөр ур чадвар бүхий мэргэшсэн хамт олон

Технологийн тасралтгүй хөгжил, дэвшил, сургалт

Хүнлэг энэрэнгүй хандлага, ёс зүйн соёл

Үйл ажиллагаа, зохион байгуулалтын төгөлдөршил

Үйлчүүлэгч- эмнэлгийн ажилтаны харилцан хүндлэл

УРИА

Манай хамт олны хичээл зүтгэл Танай гэр бүлд аз жаргал бэлэглэнэ.

Бид 2015 онд ISO олон улсын чанарын стандартаар үйл ажиллагаагаа баталгаажуулсан Монгол Улсын хувийн хэвшлийн хамгийн Анхны эмнэлэг юм.

Манай эмч, мэргэжилтэн, албан хаагчид таны болон хайртай хүмүүсийн тань эрүүл мэндэд шаардлагатай тусламж үйлчилгээг чанартай, түргэн шуурхай хүргэж, эх орныхоо хөгжил дэвшилд бодитой хувь нэмэр оруулж, Монгол улсын эрүүл мэндийн салбарт Анхны гэх тодотголтой олон нэр төрлийн үйлчилгээг нэвтрүүлсэнээрээ үргэлж бахархаж явдаг

Та бүхний бидэнд хүлээлгэсэн итгэл, найдварт тань чин сэтгэлээсээ талархал илэрхийлж, цаашид ч ард иргэдийнхээ эрүүл мэндийн энхийн манаанд түүчээлэн зогсохоо амлаж байна.

МАНАЙ ХАМТ ОЛНЫ ХИЧЭЭЛ ЗҮТГЭЛ ТАНАЙ ГЭР БҮЛД АЗ ЖАРГАЛ БЭЛЭГЛЭНЭ

ТҮҮХЭН ЗАМНАЛ

1997

1997 онд манай эмнэлэг “Өрнө Дорнын Засал” ХХК нэртэйгээр байгуулагдсан.

2005

2005 онд 15 ортой хүүхдийн эмнэлгийг ашиглалтанд оруулан, хүүхдийн эмчилгээгээр нарийсан мэргэшсэн хүний нөөцөөр хангаж үзлэг, оношлогоо, эмчилгээг бяцхан үрсдээ хүргэж байна.

2007

2007 оноос эмэгтэйчүүдийн өвчний оношлогоо, эмчилгээнд ХБНГУ-ын MTG компанийн иж бүрэн дурангийн мэс заслын тоног төхөөрөмжийг нэвтрүүлэн ерөнхий мэс засал (олгой, цөсний мэс засал) болон бага аарцагны наалдац салгах хагалгаа, өндгөвч, умайн хавдарын бүх төрлийн үүсгэвэр авах эмчилгээг зөвхөн дурангийн хагалгаагаар хийж, бусад эмнэлэгт хийгдэхгүй байгаа том хэмжээний /5см – ээс дээш/ үүсгэвэрийг авах дурангийн мэс засал эмчилгээг МУ-ын хэмжээнд зөвхөн манай эмнэлэгт хийж байна.

2011

2011 онд тус эмнэлэг нь Монгол улсын эрүүл мэндийн салбарт тулгамдсан асуудлын нэг болсон үргүйдлийн оношлогоо, эмчилгээнд хувь нэмрээ оруулан Үргүйдлийг цогцоор нь шийдэх хүчин чадал бүхий ХБНГУ-ын MTG компанийн иж бүрэн тоног төхөөрөмжтэй “IVF – Үр шилжүүлэн суулгах төв”-ийг байгуулан үргүйдлийн чиглэлээр гадаадын их дээд сургуульд мэргэжил эзэмшсэн хүний нөөцөөр хангаж үйл ажиллагаагаа явуулж байна.

2015

2015 оны 05 сард “Баянгол Эмнэлэг” ХХК нь Нидерланд Улсын “Изала эмнэлэг”-тэй хамтын ажиллагааны гэрээнд гарын үсэг зурж, албан ёсоор эрүүл мэндийн салбарт хамтран ажиллахаар болсон.

2015

2015 оны 11 сард бид үйл ажиллагааны хүрээгээ тэлж “Юнимед Интернейшнл” ХХК болж нэрээ өөрчлөн, эх хүүхэд эмэгтэйчүүдийн шилдэг төв болохоор зорилт тавин ажиллаж байна.

ШАГНАЛ УРАМШУУЛАЛ

Манай эмнэлэг нь байгуулагдсан үеэс эхлэн Монгол улсын эрүүл мэндийн салбарт тодорхой хувь нэмэр оруулж буйг үнэлэн төрийн болон ТББ, үйлчлүүлэгч олноос талархал хүлээн шагнал, урамшууллыг хүртэж ирсэн.